BUNGO PASAMBAHAN KA MAANGKEK JAMBA

*Oleh: Afrizal Kari Batuah

Kari Batuah (Silang Bapokok karajo nan bapakangka)

Di muliakan sutan Mudo jo pasambahan, sungguh pun ka sutan mudo pasambahan tantu lah sarapek papeknya jo inyak dan urang tuo salingka duduak, apo yang menjadi buah pasambahan ke sutan mudo tantu kok mengaji dari alih, babilang dari aso, kiro-kiro jalannyo baanti kato basudah, tantu di kami di silang bapokok karajo nan bapakangka muncua agak-agak tabik kiro–kiro apo agak-agak nan muncua, di kiro kiro nan tabiak, dianak mudo yang bacapek kaki, ringan tangan, yang ka manampuah ririk jo satu saf nan duo kok kok ado ta adok tabulakangi, ta ereng ta gendengi, kok capek kaki manaruang, capek tangan mamacah, capek muluk malukai, iyo dipintak rela jo maaf ka sutan mudo jo sarato inyiak sabondong lalu satampua suruk.

Jawab dari Sutan Mudo

Kari Batuah yo Sutan Mudo dikumbalikan pasambahan ka Kari Batuah, sungguhpun kak kari tibonyo tantu juo basarato sarapek-papek jo inyiak, urang geak salingka duduak, sambah manyambah kita pulangkan kapado Allah shalawat dan salam kapado nabi lai kato sajo kito pakatokan, a yang menjadi pasambahan di kari ka bakeh ambo tantu di mangaji dari alih babilang dari aso, jalan baanti kato basudah, lalu disilang bapokok karajo nan bapakangka muncua agak-agak, tabik kiro-kiro disatatantangan anak mudo nan katangah ka manampuah ririk nan satu saf nan duo kok ado ta adok tabulakangi, taereng tangendengi, kok capek kaki manaruang, capek tangan mamacah, capek muluk malukoi iyo minta rela jo maaf kan baitu Kari Batuah.

Yo sabana baitu sutan Mudo

Ma kari, supayo bulek nak sagolek, picak nak satapik, bulek lah dapek digolekkan, picak lah dapek dilayangkan, supaya nak saayun bak manimbo , karena ado urang tuo, inyiak salingka duduk dipaiyokan sabanta ka jawabnyo saba mananti kari batuah Mananti ambo sutan mudoa.

Kari Batuah

Yo Sutan Mudo dari cako kari ambo sabakan, samentaro ambo baiyo jo urang geak salingka duduak, mancari buah jo bari, lah dapek buah bari baanta ka ambo di ambo ka baanta ka Kari batuah akolah antanyo lah gunjai nan bauleh lah suri batuladan, iko jawabannyo ka kari.

Lah Sampai Sutan Mudo, (alah kari)

Rasonyo sutan mudo, kok dirantang amuah panjang, kok dikumpa amuah singkek, jadi diambo jo sarato inyiak disilang bapokok karajo nan bapangka, kok manjuluk lah rareh, kok manembak lah tapek disasaran, raso rasonyo yang dimakasuk lah sampai nan diama lah pacah lah manyanangan ka hati kami lah sajuak kiro-kiro Sutan Mudo Jadi kari Batuah kalau lah samo manyanangan ka hati, jadi parundingan kito baa kari kito antian yo sutan mudo, Kan lalu sajo anak mudo lah sutan mudo, Yo Lalulah kari.